ପଞ୍ଚାୟତ ସ୍ତରୀୟ ସଚେତନତା ଶିବିର ଅନୁଷ୍ଠିତ

ପାତ୍ରପୁର ୨୮/୦୧; ପାତ୍ରପୁର ବ୍ଳକ ପଦାଦିଗି ଓ ସାମନ୍ତରା ପୁର ଗ୍ରାମପଞ୍ଚାୟତରେ ଆଜି ପଞ୍ଚାୟତ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଗ୍ରାମାଞ୍ଚଳର ସର୍ବାଙ୍ଗୀନ ଉନ୍ନତି ପାଇଁ ଆରମ୍ଭ ହୋଇଥିବା ଲୋକାଭିମୁଖୀ କାର୍ଯ୍ୟକ୍ରମ ଆମ ଓଡିଶା ନବୀନ ଓଡ଼ିଶା ଅଧୀନରେ ନିଆଯାଉଥିବା ବିଭିନ୍ନ ଉନ୍ନୟନମୂଳକ ପଦକ୍ଷେପ ସମ୍ପର୍କରେ ଲୋକଙ୍କୁ ସଚେତନ କରିବା ପାଇଁ  ପାତ୍ରପୁର ବ୍ଲକର ପଦାଦିଗି ଗ୍ରାମପଞ୍ଚାୟତ ଓ ସାମନ୍ତରାପୁର ଗ୍ରାମ ପଞ୍ଚାୟତ ଠାରେ ‘ପଞ୍ଚାୟତ ସ୍ତରୀୟ ସଚେତନତା ଶିବିର’ ଅନୁଷ୍ଠିତ ହୋଇଥିଲା । ଏହି ପରିପ୍ରେକ୍ଷୀରେ ଲୋକମାନଙ୍କୁ ବିଭିନ୍ନ ସରକାରୀ ଯୋଜନା ଏବଂ ସେଥିରୁ ସେମାନଙ୍କୁ ମିଳୁଥିବା ସେବା ବିଷୟରେ ଅବଗତ କରାଯାଇଥିଲା । କାର୍ଯକ୍ରମକୁ ପାତ୍ରପୁର ବିଡ଼ିଓ ସୁଶ୍ରୀ ଶ୍ରଦ୍ଧା ସୁମନ କୁଣ୍ଡୁ ଯୋଗ ଦେଇ ଶୁଭାରମ୍ଭ କରିଥିଲେ । ଶିବିରରେ ଆମ ଓଡ଼ିଶା ନବୀନ ଓଡ଼ିଶା, ମୁଖ୍ୟମନ୍ତ୍ରୀ ସ୍ୱତନ୍ତ୍ର ସହାୟତା ଯୋଜନା ସାଙ୍ଗକୁ ବିଦ୍ୟାଳୟରେ ୫ଟି ଜରିଆରେ ଉନ୍ନତ ଧରଣର ଶିକ୍ଷାଦାନ, ମିଶନ ଶକ୍ତି, ମହିଳା ସୟଂ ସହାୟକ ଗୋଷ୍ଟୀ, ବିଜୁ ସ୍ୱାସ୍ଥ୍ୟ କଲ୍ୟାଣ ଓ ରାସନ କାର୍ଡରେ ଅନ୍ତର୍ଭୁକ୍ତ ପରିବାର, କାଳିଆ ଯୋଜନା, ମଧୁବାବୁ ପେନସନ ଯୋଜନା, ହରିଶ୍ଚନ୍ଦ୍ର ଯୋଜନା ମମତା ଯୋଜନା ଭଳି ଭିତ୍ତିଭୂମିର ବିକାଶ ସାଙ୍ଗକୁ ରାଜ୍ୟ ସରକାରଙ୍କ ସମସ୍ତ ଯୋଜନା ସମ୍ପର୍କରେ ଅଧିକାରୀ ମାନେ ସଚେତନ କରିଥିଲେ । ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ବିଭିନ୍ନ ଯୋଜନାମାନ ପରିବେଷଣ କରିଥିଲେ । ଛାତ୍ରଛାତ୍ରୀ ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।