ଜସ୍ମିନଙ୍କୁ ଲଭ୍ ଟୁ ଲାଇଫର ସହାୟତା

ପାତ୍ରପୁର, ପାତ୍ରପୁର ବ୍ଲକ ଅନ୍ତର୍ଗତ ଖରଣିପଡ଼ା ଗ୍ରାମ ପଞ୍ଚାୟତର ଖରଣିପଡ଼ା ଗ୍ରାମର ରାମଚନ୍ଦ୍ର ବେହେରାଙ୍କ ପରିବାର କହିଲେ ଦୁଇ ଝିଅ ଓ ବୁଢ଼ୀ ମାଆ । ସ୍ତ୍ରୀ ଙ୍କ ଅକାଳ ବିୟୋଗ ପରେ ମାଡ଼ି ଆସିଲା ବିପତ୍ତି । ରାମଚନ୍ଦ୍ରଙ୍କ ବଡ଼ ଝିଅ ଜସ୍ମିନ ଯୁକ୍ତ ଦୁଇ ଦିତ୍ଵୀୟ ବର୍ଷର ଛାତ୍ରୀ । ସେ କଲେଜ୍ ଯିବା ସମୟରେ ରାସ୍ତାରେ ଟ୍ରାକ୍ଟର ଧକ୍କା ଦେବା ଫଳରେ ତାଙ୍କ ଗୋଡ଼କୁ ବହୁତ ଆଘାତ ଲାଗିଥିଲା । ପ୍ରଥମେ MKCG ପରେ SCB ମେଡିକାଲରେ ଚିକିତ୍ସା କରିବା ପରେ ବର୍ତ୍ତମାନ ଇଚ୍ଛାପୁର ଠାରେ ଏକ ଘରୋଇ ହସ୍ପିଟାଲରେ ଚିକିତ୍ସା ହେଉଛନ୍ତି । ଦାରିଦ୍ର୍ୟ ଅବସ୍ଥାରେ ଅର୍ଥାଭାବରୁ ଅନେକ ଅନୁଷ୍ଠାନ ତାଙ୍କୁ ସାହାଯ୍ୟର ହାତ ବଢାଇଛନ୍ତି । ଏହି ଖବର ପାଇବା ପରେ ଲଭ୍ ଟୁ ଲାଇଫର ସଭପତି ସନ୍ତୋଷ ପ୍ରଧାନ, ସଂପାଦକ ପ୍ରସାନ୍ତ ଗୌଡ, ଆଦିତ୍ୟ ପାଢ଼ୀ, ଜ୍ଞାନେନ୍ଦ୍ର, ପ୍ରତାପ ଓ ଆଲୋକ ଜସ୍ମିନ୍ ଙ୍କୁ ୧୦,୦୦୦ ଟଙ୍କା ସହାୟତା ପ୍ରଦାନ କରିଥିଲେ । ଜସ୍ମିନର ଆଶୁ ଆରୋଗ୍ୟ ସହ ତାଙ୍କୁ ସହାୟତାର ହାତ ବଢ଼ାଇବା ପାଇଁ ନିବେଦନ କରିଛନ୍ତି ସନ୍ତୋଷ ପ୍ରଧାନ ।