ଅପହୃତା ବାଳିକା ଉଦ୍ଧାର

ପାତ୍ରପୁର, ୨୮/୧; ଜରଡ଼ା ଥାନା ସାମନ୍ତିଆପଲ୍ଲୀ ପଞ୍ଚାୟତ ଅନ୍ତର୍ଗତ ନୂଆଗଡ଼ ଗ୍ରାମର ୫ମ ଶ୍ରେଣୀର ଛାତ୍ରୀ କେ ନୀରୋଜାଙ୍କୁ ଦୁଇଜଣ ଅପହରଣ କରି ନେଇଥିବା ବେଳେ ବୀରମେଖପୁର ଠାରେ ଛାଡ଼ି ଦେଇଥିଲେ । ଉକ୍ତ ଗ୍ରାମର ସ୍ୱେଚ୍ଛାସେବୀ ଭୁବନେଶ୍ଵର ପ୍ରଧାନ ବାଳିକାକୁ ଉଦ୍ଧାର କରି ନୂଆପଡ଼ା ଫାଣ୍ଡିରେ ଖବର ଦେଇଥିବା ବେଳେ ପରିବାର ବର୍ଗଙ୍କୁ ହସ୍ତାନ୍ତର କରିଛନ୍ତି । ସୂଚନାନୁସାରେ କେ ନିରୋଜା ପାତ୍ରପୁର ଲେମ୍ବୁ ଆଣିବାକୁ ଯାଇଥିବାବେଳେ ଦୁଇ ଜଣ ବ୍ୟକ୍ତି ତାଙ୍କୁ ବାଇକରେ ବଳ ପୂର୍ବକ ବସାଇ ଅପହରଣ କରି ନେଇଥିଲେ I ବିରମେଖପୁର ଠାରେ ବାଳିକା ଜଣକ କାନ୍ଦିବାରୁ ଅପହରଣକାରୀ ମାନେ ଛାଡ଼ି ଦେଇ ଚମ୍ପଟ ମାରିଥିବା ପ୍ରକାଶ କରିଛନ୍ତି । ଏଭଳି ଏକ ଅପରୂପ ଘଟଣା ସପଙ୍ଗ ନିକଟରେ ଦୁଇ ମାସ ତଳେ ଘଟିଥିଲା । ଜରଡ଼ା ଥାନା ଅଞ୍ଚଳରେ ଦିନକୁ ଦିନ ଅପରାଧିକ କାର୍ଯ୍ୟକଳାପ ବୃଦ୍ଧି ପାଉଥିବା ବେଳେ ପୋଲିସ୍ ଏହି ଘଟଣାକୁ ଗୁରୁତ୍ବ ନେବା ସହ ଦୁର୍ବୃତ୍ତ ମାନଙ୍କୁ ଧରିବା ପାଇଁ ବୁଦ୍ଧିଜୀବୀ ମହଲରେ ଦାବି ହୋଇଛି ।