ସାଇ ବାବା ମନ୍ଦିରର ନୂତନ ମନ୍ଦିର ପ୍ରତିଷ୍ଠା

ଚିକିଟି, ୩୧/୦୧; ଚିକିଟି ବ୍ଲକ ଅନ୍ତର୍ଗତ ନୂଆପଡ଼ା ଗ୍ରାମର ସାନଡେରାସାହିରେ ଅବସ୍ଥିତ ସତ୍ୟସାଇବାବାଙ୍କ ନୂତନ ମନ୍ଦିର ଏବଂ ବିନାୟକ ବିଗ୍ରହ ପ୍ରତିଷ୍ଠା ଉତ୍ସବ ମଙ୍ଗଳବାର ପାଳିତ ହୋଇଯାଇଛି। ଏହି ଉତ୍ସବ ଦୁଇଦିନ ଧରି ଚାଲିବ ବୋଲି ସତ୍ୟସାଇ ଭଜନ ମଣ୍ଡଳୀ ପକ୍ଷରୁ କୁହାଯାଇଛି । ଏହି ଅବସରରେ ଉକ୍ତ ଗ୍ରାମର ସମସ୍ତ ମହିଳା ନୂଆପଡ଼ା ଗ୍ରାମର ଶେଷମୁଣ୍ଡରେ ରହିଥ‌ିବା ବାହୁଦା ନଦୀ ତଟରୁ କଳସୀରେ ଜଳ ଭର୍ତ୍ତି କରି ମୁଣ୍ଡରେ ଧରି ଗ୍ରାମର ପ୍ରତ୍ୟେକ ସାହି ପରିକ୍ରମା ପରେ ସାଇବାବାଙ୍କ ନୂତନ ମନ୍ଦିର ସ୍ଥାନରେ ସ୍ଥାପନ କରାଯାଇଥିଲା । ଅଞ୍ଚଳର ବିଶିଷ୍ଟ ପଣ୍ଡିତ ଯଜ୍ଞନାରାୟଣ ପାତ୍ରଙ୍କ ପୌରୋହିତ୍ୟରେ ପ୍ରତ୍ୟେକ ଦିନ ଘୃତଯଜ୍ଞ, ଦୀକ୍ଷାଗ୍ରହଣ, ବ୍ରାହ୍ମଣବରଣ, ଅଗ୍ନିସ୍ଥାପନ, ସୂର୍ଯ୍ୟପୂଜା, ସତ୍ୟସାଇବାବାଙ୍କ ପାଦୁକାରଥ ପରିକ୍ରମା ସମେତ ସନ୍ଧ୍ୟାକାଳୀନ ସମୟରେ ଭଜନ, ସତସଙ୍ଗ ଏବଂ ପ୍ରସାଦସେବନ ବ୍ୟବସ୍ଥା କରାଯାଇଛି ।